.webp)
Ambicia jonë
Në vitin 2024, Fondacioni Art Explora Përuron projektin e tij madhor: Një anije muze dhe festivali i saj udhëtues do të përshkojnë detet dhe oqeanet e botës për të ofruar përvoja novatore artistike dhe kulturore. Kjo aventurë unike i përgjigjet ambicies së fondacionit për të zvogëluar dallimet kulturore dhe për të nxitur qasjen gjithnjë e më të gjerë dhe demokratike në arte.
Një projekt i fondacionit Art Explora
Për të nxitur ndarjen e kulturës me sa më shumë njerëz të jetë e mundur, Art Explora ripërtërin dialogun midis arteve dhe shikuesve në nivel lokal, kombëtar dhe ndërkombëtar. Të bindur se lëvizshmëria dhe teknologjia dixhitale na lejojnë të shtyjmë kufijtë e imagjinatës, Art Explora inkurajon forma të reja të aksesit dhe përfshirjes së publikut. Së bashku me artistët, organizatat kulturore dhe aktorët e fushës, ne eksplorojmë krijimin bashkëkohor në të gjitha format e tij dhe krijojmë përvoja kulturore të paharrueshme. I themeluar nga mecenati kulturor Frédéric Jousset, Art Explora është një aventurë kolektive që bashkon shumë partnerë dhe tashmë mobilizon më shumë se 1600 vullnetarë.
NJË FESTIVAL QË PËRQËNDROHET NË LËVIZSHMËRINË
Festivali Art Explora është një festival kulturor shëtitës, falas, i zhvilluar në bashkëpunim me institucionet lokale në të gjithë Mesdheun në mënyrë që të ofrojë përvoja unike kulturore dhe artistike për të gjithë audiencën. Festivali zhvillohet në bordin e anijes së parë muze në botë, si dhe në skela portesh dhe në qytetet pritëse. Nga pranvera 2024 deri në pranverën e vitit 2026, festivali do të udhëtojë në më shumë se 15 vende të Mesdheut.
Për shkak se lëvizshmëria është një levë e fuqishme për të arritur tek audiencat e reja dhe për shkak se 60% e popullsisë së botës jeton më pak se 60 kilometra nga një vijë bregdetare, ne krijuam Festivalin Art Explora. Me anije e tij muze, ai fton të gjithë publikun të marrë pjesë në çdo fazë të projektit.
Simbol i arratisjes dhe zbulimit, anija mbart brenda saj një element unik të aventurës dhe imagjinatës. Udhëtimi i saj lidh botët, individët, kulturat dhe krijon mundësi të reja për bashkëkrijim, pjesëmarrje dhe shkëmbim.
NJË BASHKËPUNIM KURATORIAL
Në çdo fazë, një kurator vendas organizon një program kulturor unik dhe të larmishëm, duke eksploruar tema që lidhen drejtpërdrejt me kontekstin lokal, në partneritet me institucionet lokale, organizatat kulturore dhe shoqatat.
Nadine Attallah është kuratore dhe historiane arti e vedosur në Paris. Kërkimet e saj fokusohen në ekspozitat e grave artiste egjiptiane gjatë kohës së Nasserit. Ajo ka bashkëpunuar me institucione dhe galeri të ndryshme arti në Evropë dhe Liban. Ajo është një nga shtatë anëtarët e kolektivit Madrassa, i cili synon të eksperimentojë dhe studiojë praktikat kolektive dhe bashkëpunimet ndërkufitare si një mënyrë për të rezistuar dhe për t'u përballur me vështirësitë e krijimit artistik në Lindjen e Mesme dhe Afrikë.
Amanda Abi Khalil është një kuratore e pavarur e vendosur në Paris, Bejrut dhe Rio de Janeiro. Ajo është themeluese e platformës kuratoriale TAP (Temporary Art Platform) e cila angazhohet në praktikat kontekstuale, publike dhe sociale në artin bashkëkohor. Ajo ka kuruar ekspozita në CENTQUATRE PARIS, Paço Imperial në Rio de Janeiro dhe në Institutin Francez në Bejrut.
Branka Benčić është historiane arti dhe kuratore me seli në Kroaci. Ajo është drejtoreshë e MMSU/MoMCA Museum of Modern and Contemporary Art në Rijeka. Ajo ishte kuratore e Pavijonit Kroat në Bienalen e Venecias në vitin 2017 dhe bashkë-kuratore e Pavijonit Kroat në Bienalen e Arkitekturës së Venecias në vitin 2018. Ajo ka kuruar gjithashtu ekspozita në Muzeun e Artit Bashkëkohor në Zagreb, Festivalin e Filmit pula, Muzeun e Artit Bashkëkohor në Beograd dhe Galerinë Garis & Hahn
Ceren Erdem është kuratore me qendër në Stamboll. Ajo ishte drejtore e Galerisë Dirimart në Stamboll dhe përgjegjëse për ekspozitat e Bienales së 9-të dhe 10-të të Stambollit. Ajo ka kuruar gjithashtu ekspozita në apexart, Fondazione MAXXI, Pratt Manhattan Gallery dhe Wallach Art Gallery si dhe Pasinger Fabrik dhe Seoul Art Space Geumcheon.
Laila Hida është artiste dhe kuratore e pavarur e vendosur në Marrakech. Ajo është themeluese e platformës së pavarur për krijimin, shpërndarjen dhe shkëmbimin kulturor dhe artistik LE 18 në Marrakech. Ajo gjithashtu ka marrë pjesë në ekspozita në Documenta Kassel, Bienalen Dakar dhe Fondacionin Dar Bellarj.
Që nga krijimi i tij në vitin 2005, Fondacioni Kamel Lazaar për Artin dhe Kulturën ka nisur disa aktivitete dhe projekte, pasojat lokale dhe rajonale të të cilave theksojnë vitalitetin dhe diversitetin e skenës kulturore të rajonit. Fondacioni mbështet nismat e kërkimit, botimit dhe ekspozitave dhe organizon rregullisht debate, simpoziume dhe seminare. Ai mbështet prodhimin dhe shoqërimin e artistëve nëpërmjet banimit dhe workshop-eve, dhe zhvillon partneritete dhe shkëmbime me aktorët kulturorë ndërkombëtarë, në mënyrë që të promovojë Tunizinë si një qendër e artit bashkëkohor.
Martha Kirszenbaum është kuratore dhe kritike arti me qendër në Paris dhe Los Angeles. Ajo kuroi Pavijonin Francez në Bienalen e Venedikut 2019, e përfaqësuar nga Laure Prouvost, dhe themeloi dhe drejtoi Fahrenheit në Los Angeles. Ajo ka kuruar ekspozita në ICA, Palais de Tokyo, Muzeun Kistefos, Qendrën e Artit në Bejrut dhe Fondacionin Pejman.
Filipa Oliveira është kuratore me seli në Lisbonë. Ajo është programuese e arteve pamore dhe kuratore e qytetit Almada që nga viti 2018. Ajo ishte bashkë-kuratore e edicionit të katërt të Bienales Coimbra në vitin 2021, dhe drejtore artistike e Fórum Eugénio de Almeida në Évora nga viti 2015 deri në vitin 2017. Ajo gjithashtu ka kuruar ekspozita në Jeu de Paume dhe bienalen e San Paulos.
Filipa Oliveira është kuratore me seli në Lisbonë. Ajo është programuese e arteve pamore dhe kuratore e qytetit Almada që nga viti 2018. Ajo ishte bashkë-kuratore e edicionit të katërt të Bienales Coimbra në vitin 2021, dhe drejtore artistike e Fórum Eugénio de Almeida në Évora nga viti 2015 deri në vitin 2017. Ajo gjithashtu ka kuruar ekspozita në Jeu de Paume dhe bienalen e San Paulos.
Island Club është një hapësirë ekspozite jofitimprurëse e kuruar nga themeluesi i tij, Christodoulos Panayiotou, një artist qiprito i vendosur në Paris, i cili përfaqësoi Qipron në Bienalen e Venecias në vitin 2015. Që nga viti 2018, hapësira ka pritur ekspozita nga artistë vendas dhe ndërkombëtarë, si dhe shfaqje filmash, shfaqje, lexime dhe nisje librash.
Rhizome është një galeri e artit bashkëkohor me seli në Algjer. Duke funksionuar si një galeri tregtare dhe një organizatë e pavarur e arteve, rhizome punon për të promovuar artistët bashkëkohorë në zhvillim, me një fokus në artin e Algjerisë dhe diasporës së saj.
Spazju Kreattiv, Qendra Kombëtare për Krijimin e Maltës, ka projektuar programin e saj rreth tre shtyllave thelbësore: përsosmëria artistike, ndërgjegjësimi i komunitetit dhe perspektiva ndërkombëtare. I menaxhuar nga Fondazzjoni Kreattività, ky program përfshin një sërë eventesh krijuese dhe kulturore që zhvillohen kryesisht në St James Cavalier, Valletta, si dhe vende të tjera strategjike në Maltë dhe Gozo. Ajo përfshin një program të arteve pamore dhe argëtuese, rezidencën e artistëve, kinemanë e vetme arthouse të Maltës dhe një seri ŻiguŻajg kushtuar posaçërisht fëmijëve dhe familjeve. Programi ka marrë mirënjohje të shquara, duke përfshirë çmimin prestigjioz të Programit të Arteve më të Mira në Çmimet e Këshillit të Arteve të Maltës dhe është vlerësuar nga aktorë të ndryshëm në Maltë dhe jashtë saj. Daniel Azzopardi, Drejtori Artistik i Spazju Kreattiv, do të jetë personi kryesor i ngarkuar me skenën e Festivalit në Maltë. Që nga marrja e rolit në vitin 2020, ai ka luajtur një rol thelbësor në përcaktimin e vizionit dhe strategjisë së organizatës, duke zhvilluar një program vjetor prej më shumë se 500 ngjarjesh. Përveç kësaj, që nga viti 2010, Daniel është përfshirë si kontraktor i pavarur, duke dhënë ekspertizën e tij për nisma të ndryshme lidhur me zhvillimin e politikave, zhvillimin e arteve, planifikimin strategjik dhe koordinimin e projekteve.
Daniel Azzopardi, Drejtor Artistik i Spazju Kreattiv, do të jetë përgjegjës kryesor për skenën Malta të Festivalit. Që kur mori këtë rol në vitin 2020, ai ka luajtur një rol qendror në përcaktimin e vizionit dhe strategjisë së organizatës, duke zhvilluar një program vjetor me më shumë se 500 ngjarje. Për më tepër, që nga viti 2010, Danieli ka qenë aktiv si sipërmarrës i pavarur, duke kontribuar me ekspertizën e tij në nisma të ndryshme që lidhen me zhvillimin e politikave, zhvillimin artistik, planifikimin strategjik dhe koordinimin e projekteve.
Katerina Tselou është kuratore me qendër në Athinë. Ajo ishte bashkë-kuratore dhe koordinatore e ekipit kuratorial për Bienalen e 4-t të Athinës në vitin 2013, dhe kuratore e arteve pamore në Teatrin Kombëtar të Greqisë. Ajo ka organizuar projekte si kuratore e pavarur në Greqi, duke bashkëpunuar me institucione të tilla si Festivali Evropian i Filmit dhe Teatri i Jugut. Ajo është gjithashtu këshilltare e zëvendësministres së Kulturës në Greqi.
Eugenio Viola është kurator dhe kritik i vendosur në Bogotá. Ai është kurtator i Muzeut të Artit Modern në Bogotá. Ai ishte kurator i Pavijonit Italian në edicionin e 59-të të Bienales së Venecias. Ai gjithashtu ka mbajtur poste kuratoriale në PICA në Perth dhe MADRE në Napoli, ku ka kuruar ekspozita të shumta.
Arnisa Zeqo është historiane arti, kuratore dhe mësuese që jeton në Amsterdam. Ajo është drejtoresha artistike e Rongwrong, një hapësirë e dedikuar artit dhe teorisë së tij. Nga viti 2015 deri në vitin 2017, ajo punoi në documenta 14 si drejtuese e programeve arsimore (aneducation) në Athinë dhe si iniciuese e "Shoqërisë së Miqve të Ulises Carrion" brenda programit publik "Parlamenti i Trupave" në Kassel.
NJË PROJEKT I VËMENDSHËM NDAJ ÇËSHTJEVE MJEDISORE
Art Explora Angazhohet për një qasje të qëndrueshme mjedisore dhe shoqërore, si në programimin e saj, ashtu edhe në organizimin e aktivieteve të saj. Mbështetur nga ekspertë ndërkombëtarë në luftën kundër ndryshimeve klimatike dhe një rrjeti partnerësh, fondacioni punon :
- Për të gjetur zgjidhjet e disponueshme dhe lokale për të reduktuar emetimet tona
- Për të kompensuar gjurmën tonë të karbonit
- Për të zhvilluar një program për të rritur ndërgjegjësimin dhe për të mbështetur çështjet mjedisore.
Publiku
Përfshirja e publikut është një sfidë e madhe për Fondacionin Art Explora, i cili synon të eksperimentojë me mënyra të reja të qasjes dhe pjesëmarrjes. Ne zhvillojmë një qasje bashkëpunuese dhe bashkë-ndërtuese me partnerët e ndryshëm për të arritur objektiva ambicioze për publikun:
- T'u afrohemi të gjithë shikuesve dhe të nxisim përfshirjen e të gjithë pjesëmarrësve
- Promovimi i projekteve që përfshijnë publikun nga faza e projektimit të përmbajtjes
- Promovimi i shkëmbimeve dhe punës me artistët, përmes punëtorive kreative dhe praktikave artistike
- Dhënia e zërit dhe angazhimi i komuniteteve të padukshme në hapësirën publike
Ndërtimi i programit të aktiviteteve dhe projekteve për publikun përcaktohet në bashkëpunim me institucionet dhe strukturat kulturore vendase, aktorët në arsim, fushat asociative dhe sociale, duke marrë parasysh diversitetin kulturor, sociologjik, demografik dhe gjuhësor të publikut.
Përveç kësaj, i gjithë projekti dhe veprimtaritë e propozuara janë falas.
