FRANCESCO BERATI: Të endësh identitetin

Të endësh identitetin i Francesco Beratit është një projekt artistik mode që vijëzon origjinën e tij ndër breza, duke gjurmuar trashëgiminë kulturore të Elbasanit – dikur qyteti romak i Skampës, ku Via Egnatia takohet me lumin Shkumbin. Duke kombinuar kujtimet e fëmijërisë, veshjet e familjes dhe hulumtimin e gjerë në muzeun etnografik të qytetit, Berati riinterpreton veshjet tradicionale të Elbasanit duke përdorur teknikën e taftinganit. I frymëzuar nga Xhube me Dragua, Sako dhe jelekët tradicionalë, ai luan me motive të qëndisura, duke ndryshuar dimensionet për të krijuar forma monumentale tekstili. Koleksioni i tij sjell tekstet e këngëve të vjetra, printuar në serigrafi, krijuar me një pistoletë për volum ne thasë natyralë kafe. I shoqëruar nga këngë mistike të kompozitorëve si Mustafa Bodini dhe Isuf Myzyri, ky projekti artistik e shndërron trashëgiminë e tekstilit në një dialog bashkëkohor, duke ruajtur dhe zhvilluar traditën përmes materialitetit, relievit dhe rrëfimit.

Francesco Berati

Francesco Berati është student në dizajn të tekstil, praktika artistike e të cilit lidh trashëgiminë kulturore dhe artin bashkëkohor. I specializuar në teknikën e taftinganit, ai krijon volume duke përdorur fije leshi, frymëzuar nga veshjet tradicionale dhe poezi vendase. Puna e tij ndërthur elemente të veshjeve të zonës së Elbasanit me muzikën, duke ringjallur teknikat historike për të nxjerrë në pah narrativat kulturore. Aktualisht po përfundon programin Master në Universitetin e Arteve në Tiranë.