Rachele Andrioli - Koncert solo "Leuca"

Në koncertin e saj live “Leuca” Rachele Andrioli është e vetme në skenë. E gjithë vëmendja përqendrohet tek zëri, tek instrumentet muzikore të përdorura (bateria, harpa e hebrenjve, kitara, flauti harmonik) dhe në përdorimin e shkathët të elektronikës ( baza dhe loop stations).

Një repertor origjinal, një sintezë e traditës dhe inovacionit, e shoqëron audiencën në një ritual stërgjyshor që e ka burimin në një vend të idealizuar : Capo di Leuca, vendi nga nisen dhe ku kthehen tregimet e kënduara nga Rachele. Leuca është kryefjala, gjesti që orienton, vështrimi që eksploron, një kërkim i vazhdueshëm në tokën e saj.

Rachele propozon këngët e albumit të saj më të fundit dhe atë repertor të veçantë të këngëve nga vendet kufitare ku polifonia krijuese duket se buron drejtpërdrejt nga këto vende skajore, duke nxjerrë në pah një Salento të papritur, urgjente, të gjallë. Shfaqja është një sintezë e inovacionit dhe traditës. Është një homazh për muzikën popullore dhe Mesdheun, për ndikimet më të largëta dhe për zërin si flamur të vetëm, duke përdorur si pikënisje fundin e atdheut të saj, Capo di Leuca.  

Rachele është gjithashtu krijuese e projektit koral të komunitetit Coro a Coro, i cili aktualisht mirëpret shumë gra, të moshave dhe origjinave të ndryshme, në një laborator social polifonik dhe lidh konceptin e gjinisë me multikulturalizmin.