Rossella Biscotti - Udhëtimi

The Journey (Udhëtimi) është një lexim sonik nga artistja e njohur Rossella Biscotti, në të cilin ajo ndan materialet e ndryshme vizuale, tingujt dhe refleksionet nga projekti i saj afatgjatë titulluar The Journey (2024). Projekti ri-imagjinon Mesdheun përmes arkivave sonike, të cilat përfshijnë tinguj, këngë dhe zëra nga muzikantë lokalë, peshkatarë dhe aktivistë. Puna thellon hetimin e saj mbi ndërthurjet historike, ekologjike dhe gjeopolitike në Mesdhe, siç janë lëvizja e kurrizëve të detit dhe koncesionet e naftës. Projekti përfshine dokumentimin akustik—duke ndërthurur mërmëritjen e motorëve, përzierjen e detit, këngët e marinarëve dhe jehonat e jetës detare—për të shtuar përvojën e ndjeshme të udhëtimit të një guri mermeri 20 tonësh nga nxjerrja e tij deri në fundosjen e tij në det, dhe jo thjesht ta dokumentojë atë.

Rossella Biscotti

Puna e Rossella Biscotti eksploron ngjarje të harruara apo të pagjurmuara që tregojnë ndryshimin e sistemit të vlerave. Ajo interesohet të tregojë ndërtimin e një subjekti përmes aleancave dhe rezistencave kundër strukturave të dhunshme të institucionalizuara – duke ndërthurur me ndjeshmëri gjurmë jetësh, koncepte dhe materiale në narrativa të reja. Duke mbledhur informacion përmes regjistrimit të rrëfimeve gojore, si edhe nga hulumtimi i arkivave dhe puna në terren, puna e saj shpesh është montazh materialesh dhe formatesh të ndryshme, kompozim skulpturash, video, performance dhe tingull. Vende të përdorura historikisht për miniera, shfrytëzim dhe izolim, shërbejnë shpesh si sfond i eksplorimeve të saj artistike. Duke iu drejtuar relevancës së informacionit të përdorur nga një këndvështrim bashkëkohor, ajo interesohet të përforcojë lidhjet dhe rrjetet me të tashmen, duke fuqizuar imagjinatën dhe përvojën.