Durrës

Vendosur në qendër të festivalit, Bar Tore frymëzohet nga histori të shumta të bareve si hapësira alternative për formimin e komuniteteve në Shqipëri dhe Kosovë. Duke iu referuar vendeve emblematike si Bar Iliria në Tiranë, Bar Belmondo në Durrës dhe Bar Janis në Prizren, Bar Tore është njherazi vend aktivizmi artistik dhe ruajtës i kujtesës shoqërore. Në programin e vet, Bar Tore mirëpret një sërë performansash, lexime poezish dhe biseda artistësh. Në bashkëpunim me Radio Alhara, në bar luhet muzikë dhe nga bari transmtohet live.

Flaka Haliti vazhdon ta shikojë të tashmen tonë të fragmentuar dhe kontradiktore bazuar në përvojën subjektive. Në qendër të praktikës së saj artistike është individi dhe pyetja se si është ndërtuar identiteti në një botë globale, të lëvizshme dhe militante. Të tri billboardet e ekspozuara në Festivalin Art Explora në Durrës ndjekin një "etikë afërsie" dhe i bëjnë referencë kontradiktave ambivalente të realitetit tonë të bashkëkohor, duke adresuar çështje socio-politike si migrimi dhe racizmi.

Këngëtare, autore këngësh, multi-instrumentaliste dhe performuese e muzikës së Mesdheut në 8 gjuhë, Battista është e njohur për zërin e pastër si kristali dhe performancat magjepsëse. Shfaqjet e saj live janë një përzierje e veçantë e emocioneve dhe virtuoztitetit, duke krijuar një lidhje unike me publikun. E vetme në skenë, ajo shoqërohet nga cithara e saj – një instrument magjepsës i muzikës korsikane – mes dy kapelash ekzaltuese, duke sjellë një përvojë të paharrueshme për dëgjuesit.

Tirana — Tirona AllStars është një kolektiv këngëtarësh dhe instrumentistësh virtuozë të jashtëzakonshëm, të njohur për performancat e tyre emocionale që sjellin në jetë trashëgiminë e pasur muzikore të Tiranës. Duke përzier meloditë modale të Evropës Juglindore me harmonitë perëndimore, grupi krijon një tingull unik që magjeps publikun me frazat e tij delikate dhe energjinë dinamike