Durrës

Vendosur në qendër të festivalit, Bar Tore frymëzohet nga histori të shumta të bareve si hapësira alternative për formimin e komuniteteve në Shqipëri dhe Kosovë. Duke iu referuar vendeve emblematike si Bar Iliria në Tiranë, Bar Belmondo në Durrës dhe Bar Janis në Prizren, Bar Tore është njherazi vend aktivizmi artistik dhe ruajtës i kujtesës shoqërore. Në programin e vet, Bar Tore mirëpret një sërë performansash, lexime poezish dhe biseda artistësh. Në bashkëpunim me Radio Alhara, në bar luhet muzikë dhe nga bari transmtohet live.

Flaka Haliti vazhdon ta shikojë të tashmen tonë të fragmentuar dhe kontradiktore bazuar në përvojën subjektive. Në qendër të praktikës së saj artistike është individi dhe pyetja se si është ndërtuar identiteti në një botë globale, të lëvizshme dhe militante. Të tri billboardet e ekspozuara në Festivalin Art Explora në Durrës ndjekin një "etikë afërsie" dhe i bëjnë referencë kontradiktave ambivalente të realitetit tonë të bashkëkohor, duke adresuar çështje socio-politike si migrimi dhe racizmi.

Për Festivalin Art Explora, Zaineb Henchiri paraqet "Echo Chamber", një lexim performativ me projeksione vizuale. Vepra eksploron humbjen e fjalës në një kontekst transformimesh teknologjike dhe politike. Henchiri bazohet në hulumtimet dhe takimet online për të paraqitur një mozaik fjalish, mesazhesh dhe tutorialesh. Ky fluks informacioni i copëzuar dhe i rëmujshëm, i bën jehonë mitit të Echo (Jehonës), e cila, e dënuar nga Perënditë, mund të përsëriste vetëm fjalët e të tjerëve, duke theksuar kështu natyrën e copëzuar të ndërveprimit modern online.

Words on Streets është një film i shkurtër që tregon për pesë emigrantë në Genova, Itali, zhvilluar në bashkëpunim me anëtarë të komuniteteve të emigrantëve në Paris, Genova dhe Nju Jork, The Speeches Series (Seria e Fjalimeve) thekson fuqinë e të folurit dhe performancës si mjete për të imagjinuar mënyra alternative të përkatësisë. Ato krijojnë manifeste që flasin për kombësinë, shtetësinë dhe përkatësinë