Durrës

Vendosur në qendër të festivalit, Bar Tore frymëzohet nga histori të shumta të bareve si hapësira alternative për formimin e komuniteteve në Shqipëri dhe Kosovë. Duke iu referuar vendeve emblematike si Bar Iliria në Tiranë, Bar Belmondo në Durrës dhe Bar Janis në Prizren, Bar Tore është njherazi vend aktivizmi artistik dhe ruajtës i kujtesës shoqërore. Në programin e vet, Bar Tore mirëpret një sërë performansash, lexime poezish dhe biseda artistësh. Në bashkëpunim me Radio Alhara, në bar luhet muzikë dhe nga bari transmtohet live.

Flaka Haliti vazhdon ta shikojë të tashmen tonë të fragmentuar dhe kontradiktore bazuar në përvojën subjektive. Në qendër të praktikës së saj artistike është individi dhe pyetja se si është ndërtuar identiteti në një botë globale, të lëvizshme dhe militante. Të tri billboardet e ekspozuara në Festivalin Art Explora në Durrës ndjekin një "etikë afërsie" dhe i bëjnë referencë kontradiktave ambivalente të realitetit tonë të bashkëkohor, duke adresuar çështje socio-politike si migrimi dhe racizmi.

Zbuloni dy përvoja në bord: Udhëtimin e Tingujve Mesdhetarë të krijuar nga Ircam x Centre Pompidou, si dhe një zhytje në realitetin virtual të ofruar nga Ubisoft, që ju fton të eksploroni vendet e humbura arkeologjike. Lundrim nga Laure Prouvost.

Me bashkëpunimin e jashtëzakonshëm të Muzeut të Luvrit, Art Explora Muzeu i Luvrit prezanton "Présentes", një ekspozitë gjithëpërfshirëse që nxjerr në pah figurat femërore në qytetërimet mesdhetare, duke u mbështetur në koleksionet e Luvrit. Kjo përvojë dixhitale kombinon arsimin, zbulimin e artit dhe teknologjitë bashkëkohore audiovizuale për të ofruar një udhëtim nëpër mijëvjeçarë historie.