Durrës

Në këtë punëtori do të transformojmë mbetjet e letrës - e cila mbart potencialin për një transformim të ri; duke shkruar, vizatuar, palosur, grisur ose duke ricikluar në një letër të re për të filluar sërisht nga e para. I gjithë procesi është një akt zbërthimi dhe rindërtimi, duke njohur vendin tonë në ritmin e natyrës. Kjo punëtori do të jetë një hapësirë kreative, e ngritur si një studio e hapur, duke krijuar kushte per të gjitha moshat (vecanërisht fëmijët) të eksplorojnë të lirë procesin krijues.

Fryj, të fryshë, frymë. It’s just a touch? Është një punëtori rituali nga Erdiola Kanda që rrjedh nga prejardhja e saj vllahe. E frymëzuar nga rrëfimet e gjyshes së saj, Kanda i udhëheq pjesëmarrësit në një ritual fryme, kujtimi, dhe transmetimi, për tri netë. Cdo sesion përmban një këndim, fjalë të vjetra, dhe shkrime të vetë Kandas, duke riaktivizuar të kaluarën dhe duke krijuar një hapësirë ku brezat takohen në heshtje

Amari Alepha është një kolektiv multikulturor që lëviz nëpër vende dhe kozmologji, duke udhëtuar me një karvan për të shpërndarë përvojën e tyre përmes shkrirjes së videos, muzikës dhe magjisë. Në Shqipëri, me mbështetjen e Vila 31 dhe Art Explora, ata përfshinë komunitetin rom, duke mbledhur rrëfime që do të jenë pjesë e performancave të ardhshme.

Filmi Crossing the Blue Bridge nga Selma Selman, rikthen kujtimet e nënës së saj për luftën në Bihać në vitin 1994.