Durrës

Në këtë punëtori do të transformojmë mbetjet e letrës - e cila mbart potencialin për një transformim të ri; duke shkruar, vizatuar, palosur, grisur ose duke ricikluar në një letër të re për të filluar sërisht nga e para. I gjithë procesi është një akt zbërthimi dhe rindërtimi, duke njohur vendin tonë në ritmin e natyrës. Kjo punëtori do të jetë një hapësirë kreative, e ngritur si një studio e hapur, duke krijuar kushte per të gjitha moshat (vecanërisht fëmijët) të eksplorojnë të lirë procesin krijues.

Fryj, të fryshë, frymë. It’s just a touch? Është një punëtori rituali nga Erdiola Kanda që rrjedh nga prejardhja e saj vllahe. E frymëzuar nga rrëfimet e gjyshes së saj, Kanda i udhëheq pjesëmarrësit në një ritual fryme, kujtimi, dhe transmetimi, për tri netë. Cdo sesion përmban një këndim, fjalë të vjetra, dhe shkrime të vetë Kandas, duke riaktivizuar të kaluarën dhe duke krijuar një hapësirë ku brezat takohen në heshtje

E themeluar në Mars 2020, Radio Alhara është radio stacion në internet me qendër në Betlehem, Palestinë. Fillimisht e shfaqur si përgjigje ndaj mbylljes globale gjatë pandemisë Covid, ajo është shndërruar që atëherë në një platformë kulturore dinamike që kapërcen kufijtë. E rrënjosur në komunitet, rezistencë dhe shkëmbim artistik, stacioni bashkon DJ, muzikantë dhe mendimtarë nga e gjithë bota, duke ofruar një hapësirë për eksperimentim zanor dhe diskurs politik.

Për tre ditë, "Shërbime estetike rreth vitit 2025, 2025", një shërbim publik falas për parukeri, u ofrohet qytetarëve të Durrsit. I konceptuar si një vepër konceptuale dhe performative nga artistja Iris Touliatou, projekti riimagjinon aktet e kujdesit, intimitetit dhe shkëmbimit brenda mjediseve urbane dhe institucionale.