Durrës

"Nën Azure" është një ekspozitë që i bën homazh Detit Mesdhe, imazheve që ai ngjall, frikës që frymëzon dhe miteve të lashta dhe bashkëkohore që lidhen me të.

Liman është takimi i jashtëzakonshëm mes 3 muzikantëve të mëdhenj nga skena aktuale turke: Cem Yildiz, Ramazan Sesler dhe Ismail Pesluk. Së bashku, ata propozojnë një eksplorim të vërtetë ‘elektro-tradicional’ të bazuar në traditën e pasur të muzikës popullore turke, nga Stambolli në brigjet e Detit të Zi, përmes luginave të Anadollit dhe bregdetit të Egjeut.

Në këtë punëtori do të transformojmë mbetjet e letrës - e cila mbart potencialin për një transformim të ri; duke shkruar, vizatuar, palosur, grisur ose duke ricikluar në një letër të re për të filluar sërisht nga e para. I gjithë procesi është një akt zbërthimi dhe rindërtimi, duke njohur vendin tonë në ritmin e natyrës. Kjo punëtori do të jetë një hapësirë kreative, e ngritur si një studio e hapur, duke krijuar kushte per të gjitha moshat (vecanërisht fëmijët) të eksplorojnë të lirë procesin krijues.

Fryj, të fryshë, frymë. It’s just a touch? Është një punëtori rituali nga Erdiola Kanda që rrjedh nga prejardhja e saj vllahe. E frymëzuar nga rrëfimet e gjyshes së saj, Kanda i udhëheq pjesëmarrësit në një ritual fryme, kujtimi, dhe transmetimi, për tri netë. Cdo sesion përmban një këndim, fjalë të vjetra, dhe shkrime të vetë Kandas, duke riaktivizuar të kaluarën dhe duke krijuar një hapësirë ku brezat takohen në heshtje