Performancë nga Rafram Chaddad (e ftuar nga Martha Kirszenbaum)

Si një artist autodidakt dhe ekspert kulinarie me një interes të veçantë në kuzhinën judeo-arabe të Afrikës së Veriut, Rafram Chaddad e zhvendos funksionin e hamamit në një vend jo vetëm kujdesi dhe relaksi, por edhe ushqimi dhe ndarjeje. Kështu, ai investoi, për një pasdite, në hamamin Zein të Marsejës, i cili ndodhej pranë Portit të Vjetër, dhe ofroi të gatuante dhe t’u shërbente pjatat klientëve gjatë trajtimeve. Për këtë ai përdor elementë të kulturës tuniziane, siç është mushti i Meddebit, foutat, terrakota dhe enë të gdhendura sipas traditës së Xherbës nga vjen ai, dhe transmeton tinguj të regjistruar në hamame në Tunizi, përfshirë Hamamin e shekullit të 15-të të Halfaouine. Kështu, ai imagjinon një alternativë dhe një vend takimi ku njerëzit mund të ndajnë zakonet e tyre personale, në të njëjtën mënyrë që gatimi i bashkon ata.

Rafram Chaddad

I lindur në Djerba të Tunizisë në vitin 1976, Rafram Chaddad është një artist, fotografitë, filmat dhe instalimet multimediale të të cilit ripërcaktojnë arkivat, narrativat e migrimit dhe çfarë do të thotë të jesh pjesë e tij. I vendosur në Tunis, ai reflekton mbi përvojat e tij personale të jetës dhe komenton mbi çështje më të gjera socio-politike, duke përfshirë ushqimin, mërgimin, identitetin dhe përkatësinë. Gjatë njëzet viteve të fundit, ai ka prodhuar dhjetëra filma të shkurtër dhe instalacione të cilat janë ekspozuar në Mucem në Marsejë, Forumin Maximilian në Mynih dhe B7L9 në Tunis.