Durrës

Në këtë punëtori do të transformojmë mbetjet e letrës - e cila mbart potencialin për një transformim të ri; duke shkruar, vizatuar, palosur, grisur ose duke ricikluar në një letër të re për të filluar sërisht nga e para. I gjithë procesi është një akt zbërthimi dhe rindërtimi, duke njohur vendin tonë në ritmin e natyrës. Kjo punëtori do të jetë një hapësirë kreative, e ngritur si një studio e hapur, duke krijuar kushte per të gjitha moshat (vecanërisht fëmijët) të eksplorojnë të lirë procesin krijues.

Fryj, të fryshë, frymë. It’s just a touch? Është një punëtori rituali nga Erdiola Kanda që rrjedh nga prejardhja e saj vllahe. E frymëzuar nga rrëfimet e gjyshes së saj, Kanda i udhëheq pjesëmarrësit në një ritual fryme, kujtimi, dhe transmetimi, për tri netë. Cdo sesion përmban një këndim, fjalë të vjetra, dhe shkrime të vetë Kandas, duke riaktivizuar të kaluarën dhe duke krijuar një hapësirë ku brezat takohen në heshtje

Fëmijët do të krijojnë vepra arti duke përdorur ushqime lokale, sezonale, ndërsa mësojnë për zakonet e të ushqyerit të shëndetshëm, përbërësit tradicionalë shqiptarë dhe qëndrueshmërinë. Projekti kombinon artet pamore, tregimin dhe eksplorimin praktik të ushqimit për ta bërë mësimin rreth ushqimit tërheqës dhe të paharrueshëm.

Muzika e tij shquhet për kombinimin e tingujve organikë dhe elektronikë, duke krijuar një stil të veçantë zhvilluar për gati një dekadë.